Hoxe tivemos a visita de Bautista, o pai de Álvaro.
Bautista veunos explicar como se fai para axudar a unha persoa que se atranca con algo que comeu e non pode respirar.
Tamén nos explicou que facer para reanimar a esa persoa no caso de que non consiga botar fóra a comida que se lle atrancou.
E aprendemos o número ao que temos que chamar se lle pasa algo aos adultos que están con nós! Non o esquezades: 112.
Despois das súas explicacións, estivemos facendo algunha "práctica" cos bonecos.
Pasámolo moi ben e foi moi instrutivo.
E ademais Bautista deunos unha pegatina.
Moitas grazas por todo, Bautista!
Esperamos que máis nais, pais, avós, avoas...se animen a visitarnos, sexa para estar con nós, ou para ensinarnos ou explicarnos algo que saben facer ben.
Pinchade na foto para ver todo o álbum.
No hay comentarios:
Publicar un comentario